"Έψυκται μου η καρδία.. "

 

-  Αββάς Ισαάκ ο Σύρος
[από τον Β΄ Ασκητικό Λόγο του]

….   Κύριε Ιησού Χριστέ ο Θεός ημών,
Ο επί Λαζάρου κλαύσας και δάκρυα λύπης και συμπαθείας στάξας επ' αυτώ,
δέξαι δάκρυα πικρίας μου.

Τοις πάθεσί σου, τα πάθη μου θεράπευσαν.
Τοις τραύμασί σου, τα τραύματα μου ιάτρευσον
τω αίματι σου, το αίμα μου καθάγνισον
και συγκέρασον τω σώματι μου την οσμήν του ζωοποιού σου σώματος.

Η χολή, ην παρά των εχθρών εποτίσθης, γλύκαναι μου την ψυχήν
από της πικρίας, ην με ο αντίδικος επότισε.
Το σώμα σου το επί ξύλου Σταυρού τανυθέν, διαπετάσαι μου τον νουν προς σε,
τον υπό των δαιμόνων κάτω ελκυσθέντα.
Η κεφαλή σου, ην επί του Σταυρού έκλινας, υψώσαι μου την κεφαλήν
την κολαφισθείσαν υπό των αντιπάλων.
Αι πανάγιοι σου χείρες αι καθηλωθείσαι υπό απίστων εν τω Σταυρώ,
αναγαγέτωσάν με προς σε εκ του χάσματος της απώλειας,
ως υπέσχετο το πανάγιόν σου στόμα.

Το πρόσωπον σου το δεξάμενον ραπίσματα και εμπτύσματα υπό των καταράτων,
στιλβωσάτω μου το πρόσωπον το χρανθέν εν ταίς ανομίαις.
Η ψυχή σου, ην επί του σταυρού ων τω Πατρί σου παρέδωκας,
οδηγησάτω με προς Σε εν τη χάριτι σου.

Ουκ έχω καρδίαν οδυνηράν προς αναζήτησίν σου,
ουκ έχω μετάνοιαν, ουδέ κατάνυξιν, τα επανάγοντα τα τέκνα
προς την ιδίαν κληρονομίαν.
Ουκ έχω, Δέσποτα, δάκρυον παρακλητικόν.

Εσκότισται μου ο νους εν τοις βιωτικοίς και ουκ ισχύει ατενίσαι προς σε εν οδύνη.
Έψυκται μου η καρδία εκ του πλήθους των πειρασμών,
και ου δύναται θερμανθήναι τοις δάκρυσι της προς σε αγάπης.

Αλλά συ, Κύριε Ιησού Χρίστε ο Θεός, ο θησαυρός των αγαθών,
δώρησαί μοι μετάνοιαν ολόκλήρον και καρδίαν επίπονον,
ίνα εξέλθω ολοψύχως εις αναζήτησίν σου.
Χωρίς γαρ σου, παντός αγαθού ξενωθήσομαι·
χάρισαι ουν μοι, ω αγαθέ, την χάριν σου.
Ο Πατήρ, ο προαγαγών σε εκ των κόλπων αυτού αχρόνως και αϊδίως,
ανακαινισάτω εν εμοί τας μορφάς της σης εικόνος.

Κατέλιπόν σε, μη με εγκαταλίπης.
Εξήλθον από σου, έξελθε εις αναζήτησίν μου και επανάγαγε με προς την νομήν σου
και συναρίθμησον με τοις προβάτοις της εκλεκτής σου ποίμνης
και διάθρεψόν με συν αυτοίς, εκ της χλόης των θείων μυστηρίων σου.

isaakosyros – 2φΑ

                                                 

Share